| Today visits: |
| Total visits: |
好好睇！
畫面冇得頂，淨係睇頭30分鐘片頭(出導演嘅時間)，用近似定格加慢動作嘅畫面，去表達整戲各人嘅情節，已經值回票價，
我好鐘意睇片頭，就好似一份頭盤，要更用心更用創意，喺呢10分鐘(或便少)去展現整套戲嘅風格，呢部份做得好，到主菜時，就食得更和味，香港電影，印像最深還係《買兇拍人》嘅片頭，
如果想睇一貫英雄片嘅你，對《保》一定失望萬分，
事關佢只係借各路英雄去探討人類社會嘅各種問題，
英雄一樣有佢哋嘅問題、感情、情慾、難處，
係保護國家嘅時候，又有邊個可以管理佢哋
當世界有共同敵人時，當世界有災難時，各國家突然變得團結，世界變得和平，
世界和平原來好茅盾！
電影影像真係型到爆，慢鏡快鏡加上角度，真係邊睇邊喺個心度嘩！
配樂亦係喪正，雖然好多老歌，但同配得天衣無縫，
夜梟二世同絲靈二世喺飛般上搞嘢嗰幕，配上Leonard Cohen嘅〈Hallelujah〉，簡直係一流，我會買埋隻Soundtrack。
最可惜我睇嘅係2B版，慘被CUT，睇得唔暢快，
重要升字幕時俾戲院CUT埋，激鬼死！嘈完個經埋，雖則俾返2張換票証我，但呢套戲嘅字幕我都係睇唔到！
卡夫卡-變形記本書都放咗喺我個依成2個月，可惜都我睇完佢舞台劇都未睇晒，哈！
舞台劇由冰島劇團主演，真係十分精彩，一開場已經被舞台背景吸引，
簡單得嚟又好特別，男主角間房更做成鳥瞰式，男主角要爬來爬去演，真係驚佢會跌落台，視覺滿分，
幾位演亦非常出色，
故事好啓發性，人總是看外表，每每聽到好多人話擇偶條件都話冇所謂，又話唔需要靚仔，
如果有日你親人變成蟲，你會點對佢，
故事最後，阿爸阿媽因為自己個仔死去而變得開懷，令我印像好深，
如果有日瞓醒變咗蟲，都唔知點算？
參考網址︰http://www.hk.artsfestival.org/tc/prog/12/
好耐未試過為奧斯卡而緊張，
因為今年有《奇幻逆緣》撞《一百萬零一夜》，
情況就好似諸葛亮撞周瑜，
2套都係好戲，如果沒有對方，一定係攞硬獎嘅大熱，
戰況咁激烈，我買《一百萬零一夜》，
原因好簡單，我都有電影中嘅夢！
舒淇在戲中淡妝也美極。
這部電影，一直也想看，但因為院線嚴重不足，搞到初一才看到，
當初看見《非誠勿擾》，這4個字，已覺很有意思，冇事就唔好嚟搞我啦！哈哈
電影故事以1位中年危機男士求偶作為起點，過程輕鬆有趣幽默，
對白好抵死，就算講國語，全場亦笑得哈哈聲，亦袋了不少錢落袋，獲益良多，
女主角身為第3者，和男主角因解悶已開始做朋友，
當初是沒有「誠意」發展的，但這一「擾」卻讓雙方走近，
能成為密友總帶着愛，結果……
女的總愛浪漫總愛靈魂出軌，
男的總愛現實總愛身體出軌，
你容許你的另一半心中存有另一個人嗎？
而你自己心中是不是只有他/她呢？
很有趣的課題。
這是一部好戲，有意請看，非誠勿看。
自從入行後已經迷上影相，但一直不喜歡數碼相，
雖方便，但毫冇手感可言，影咗既相好虛無，電腦一壞，所有回憶都化廁所水，一去不返，
始終有相片在手，先有最實在既感覺，記憶會衰退，相片才是永，
本人有部愛機，Olympus-Pen 半格機，唔係咩貴嘢，冇長短鏡，冇像數，所有嘢都要手動，
但就有一份最真既感覺，而且佢係為窮人而開發既半格機，(因為舊時菲林貴，所以廠商就發明將一格菲菲cut開2格，咁32張就可以影到64張相啦！)
係呢個物資過盛嘅年頭更加難得，以下係小弟亂影之作，大家有時間不妨睇睇，
而大家係用數碼相機完相後，不妨，不妨攞去沖成菲林，感覺一定會大有不同。
皇后碼頭
皇后碼頭
籃屋
韓國的夜景
唔好以為我玩嘢，用呢幾個字，砌個咸LOGO出嚟，
千萬唔好睇少呢個logo，佢係英國商務部用咗14,000英鎊（16.3萬港元），
請專人設計嘅新標誌，只要將logo一轉，就會見到1個男人自瀆……
用咗十幾萬，啲嘢果然係唔同啲呀！
記得上當年香港都用咗百幾萬，搵人設計咗個香港LOGO，
但係大家又記唔記個LOGO係點樣樣呢！
舊同學眾會上，忽然有人問起同學C的近況。同學C是她們班上女同學之中，嫁得最好的一位，她的丈夫正是某內地上市公司主席的兒子。
「為什麼今次不見她的？」同學A問。
「聞說她最近生了一個女兒呢？」同學B道。
「嘩，真是可喜可賀」同學們聽了，無不羨慕。
「唉，這都是表面風光呢？」同學D說
聽到同學D這樣回應，各同學立時也不禁好奇起來問發生了什麼事。
「她的丈夫正和她辦離婚呢！」同學D說
「什麼？好好的，為什麼離婚？難道她終於走去揭穿丈夫有外遇嗎？」
「又不至於此，不過問題亦很複雜，並不只是因為他丈夫那麼簡單！」同學D說
「那究竟事情是怎麼樣的？」
「都怪那個BB女，不像她！」同學D說
聽到這裡，在坐各人立時明白過來，同學C讀書之時，皮膚黑黑的，單眼皮，插蘇鼻，後來聞說，她出來做事後，到過整容醫院那邊整了幾次，才有今時青靚白淨的容貌。
接著同學D又道：「她的家姑素來都不喜歡她出身低，認為她配不起自己的上等人兒子，無奈愛兒當初情頃於她，家姑才勉強接受這頭婚事，至於她的家翁向來就是重男輕女。現在兩老見著自己的愛孫膚色如炭，單眼皮，還要插蘇鼻，既不像自己的兒子，又不像他們的媳婦，於是兩老便懷疑這個孫女，並不是自己兒子的骨肉，悄悄為嬰兒驗DNA。」
「那她的丈夫對BB的樣貌怎反應？」
「最初她丈夫也沒什麼，後來在老爺奶奶的壓力下，她的丈夫也懷疑孩子是不是自己的，她見著自己的丈夫悶悶不樂，最後只好將自己曾經整個容的事告訴他，誰知她的丈夫聽了，大發雷霆，說她欺編自己，過不了幾日，她的丈夫便向她提出離婚。」
「那也很慘吧，剛生完小孩子，非但未能得家人的支持，反而要面對離婚！」
「還不止這樣呢！」同學D道
「還有什麼？」 同學D這麼一說，又立時引起同學們的注意。
「她的丈夫要求她交還所有他送她的首飾，以補償他的心靈因受到她的欺騙而做成的傷害。」
想知邊啲星有冇整容，記得留意佢哋啲Ｂ啦！
呢間就係我間屋，都幾潮呀！HAHA,,,,我重有幾間房架！想參觀就留言啦！HAHA
近期我身邊的朋友都沉迷喺facebook嘅game 「Pet Society」，
其實都唔係咩驚世作品，只係將養寵物同模擬市民結合，
不過勝在易玩，啲寵物又得意，重可以幫佢哋換衫，買傢俬搞靚間屋，送禮物俾朋友，又可以同你隻寵物玩遊戲，
要買嘢當然要付出，每日可以跑10次跑賺錢，探朋友又可以賺錢，
為咗賺多啲錢，所以呢排大家都唔停咁去探朋友，現實中都冇咁親密，
呢個game可以話俾大家知，有啲嘢，簡單反而重好！
尋晚睇完金馬獎，我鐘意充滿人情味嘅《海角七號》輸咗俾計算準確，冷冰冰嘅《投名狀》，
冇咩好講，《投》拍出嚟根本就係為攞獎，俾佢絕對係正路，
《海角》票房上已經說明誰是觀眾心中的最佳電影，
不過，結果並唔重要，我開心係睇到台灣眾電影工作者既齊心，
今年台灣出色嘅電影湧現，除咗香港上映《海角》、《渺渺》、《九降風》外，重有《囧男孩》、《停車》……
台灣片積弱多年，比港產片更嚴重，但依然努力拍，《海角》出現更成為台灣電影業曙光，
當台上唱出《海角》主題曲<無樂不作>，全場人手揮螢光棒，口中跟住唱，嗰份感染力真係好大，
導演魏德聖講過絕對唔會因資金少而hea拍，講得啱！今年台灣片復甦，絕對有因可解。
香港電影工作，你哋又點呢？港產片今年已經好衰下，睇下入圍金馬獎嘅港產片數量少咗幾多，
我好期待有更多有心既港產片。
